بەکۆیلە کردنی نیوەی کۆمەڵگا،لەژێر ناوی ژن دا هەتاکەی ؟ لە پێناو چی ؟ کچان لەو کاتەوی کە هێشتا لە باوەشی سۆزو خۆشەویست خێزاندان و دنیای منداڵی دان ،توانای فکروتێگیشتنیان زۆر لەوە لاوازترە کە بزانەن چ داهاتویەک چاوەرێیانە . بەڵام لە ژیانو هەڵ سوکەوتی رۆژانەیان دا، زۆرشتیان بۆ دەر دەکەوێت . باش ئازارەکانی ژن بوونی، دایک و خوشک وخەزموو هاوسێ وجیرانەکانیانی بۆ دەر دەکەوێت .کۆمەڵێک پەرسیارلە باڵاو تەمەنی خۆیان گەورەتەر لە دەروونیان دا دەروست دەبێ .! هەر لە سەرەتای یەکەم هەنگاویان بەرەو ژیان ، گوێیان دە ئاخنرێت بەکۆمەڵێک وشەی نامۆ وەک عەیبە و مەکە ومەچۆ و خۆداپۆشە وقسەمەکە وباوکت دەزانێ و براکەت ئەکووژێ ،! ئێمە خاون شەرەفو ناموسین ، ئێمە عەشیرەتی فڵان ە فیساڵین هدت ، تۆ کچی تۆ زەعیفەی و دەیان وشەو ناوناتۆرەی تر.کە کچان زۆر ئەترسێنێ ورۆژ بەرۆژ زیاتربەرەو ئاقارێک دەبرێن ، کە لە داهاتووی خۆیان بەترسێن ،وەبەکەونە ناو دنیای خیاڵاتوکێشە کانی داهاتویان لە بەرچاو بێت.وەدەیان وسەدان پەرسیاری بێوەڵام گەشەدەکەن ولە گەڵ تەمەنی خۆیان دا مەزن دەبن .وەک باشە بۆهەمووشتێک بۆئێمە وبراکانمان جیاوازە ؟بۆ من دەست بۆ هەرشتێک دەبەم دەڵێن مەکە عیبە ؟بۆ بۆهەرشوێنک ئارەزووی چوون دەکم دەڵێن بۆتۆ نابێ عیبە؟ئەمە تۆ بەڵێی لەبەر ئەوەبێت کە دایکم زۆر رەقی لەژن بوونی خۆیەتی ؟ بڵێی منیش وەکوو دایکم هەموو رۆژێک نەفرەت بکەم لە ژن بوونم؟دەبێ مینش بە هاوشێوەی دایک وخوشکم وچکی جیرانەکانمان ،بەس تا حەوشەی ماڵمان مافی دەر چوونم هە بێت ؟ یان وەکوو کچی دراوسێەکەی ئەودیومان، هاورێی خوشکە گەورەکم بە تاوانی خۆشەویستی لە نیوە شەوێکی تاریکدا بەسووتانی جەستەم گەرک رووناک ئەبێتەوە؟ ئەترسم لە گەورەبوون ! نام هەوێت بەقت خوشکمەم لێبێت ! لە بیرمە ئەورۆژەی کورێک لە سەر شەقامەکە شانی دابوولەشانی خوشکم ، کە خەتای ئەو بناو پیاوە ش بوو ئازاری خوشکەکەمی دابوو. کە چی باوکم وبراکەم وتیان خەتای خۆتە جلەکانت زۆر رووت و بێشەرمانەیە وهەستی پیاوان دەبزوێنێ. هەرلە بەرئەوە دەستیان کرد بە ئەزیەتو ئازار دانی خۆشکم ودایکیشم . نازانم بۆچی خۆ خوشکم لە براکەم مەزن رتە ؟ کەچی باوکم ئەوی کردوە بە خاوەن دەسەڵات و بڕیاردەری دایکم وئێمەوماڵەوەیە، باوکم بە بردەوامی ئەڵێ بەمن نەچیتەگەرک بۆیاری لەگەڵ کوران !چاو لەبراکەت نەکەی ئەو پیاوە پیاو. کە لە گەڵ کچە هاوتەمەنەکاینشم دا ئەچیەنەکۆڵان، کورانی گەرەک رێگەمان نادەن یارییان لە گەڵدابکەین وپێمان دەڵێن ئێوە کچن! بۆ لە دەرەوە ن؟ باوک وبراتان نیە ؟ بەڵام من سەرەرای ئەوهەمووکێشەورێگریانەش،هەست ئەکەم مرۆڤم و مافی ژیانم ئەوێت ، من بەر لەوی کچ بەم مەرۆڤم حەزم لەبوونو ژیانە. بۆچی ئەبێ من لەبەرکچ بوونم، لە گیان وژیان بێزاربم ؟ بۆچی دەبێ لەبەرکچ بوونم خۆم بە قەرزداری باوکم بەم بزانم ، تاکو وەک براکم کە کوڕە و پیاو بوون چاوەروانی دەکات ومن ژن بوون . رێگەم بەدات مافی ژیانم هەبێ و هەناسەی کۆیلە بوون هەڵ مەژم. ،٠٦،٠٣،٢٠١٤ مامۆستا بژوێن پێنجوێنی
